ქალაქ რუსეს (ბულგარეთი) რაიონში დუნაის წყლის დონემ კიდევ ორი სანტიმეტრით დაიწია. ბოლო 24 საათის განმავლობაში წყლის დონის კლება დაფიქსირდა დუნაისპირა ყველა ქალაქში, ვიდინიდან სილისტრამდე.
ერთადერთი გამონაკლისი ნიკოპოლია, სადაც მდინარის წყლის დონე კრიტიკულ მინიმუმზე ოთხი სანტიმეტრით მაღალია. წყლის დაბალი დონე დუნაიში, სავარაუდოდ, მთელი აგვისტოს განმავლობაში შენარჩუნდება.
ამ დროისთვის მეჩეჩზე სამი გემია გაჩერებული, თუმცა ისინი სანაოსნო გზის ფარგლებს გარეთ იმყოფებიან და ნაოსნობას ხელს არ უშლიან. ეკიპაჟების გასაჭირში ყოფნის შესახებ ინფორმაცია არ გავრცელებულა. სამგზავრო გემს, რომელიც გასულ კვირას სოფელ გომოტარტსის მახლობლად მეჩეჩზე დაჯდა, დახმარება აღმოუჩინეს და ახლა პორტისკენ ბრუნდება.
რუსეს საპორტო ადმინისტრაციის დირექტორი, იველინ ზანევი: „მხოლოდ ადმინისტრაციული თვალსაზრისით თუ შევხედავთ, ნაოსნობა მანამდე არ შეჩერდება, სანამ რაიმე ინციდენტი არ მოხდება. თუმცა, ეკონომიკური მიზეზების გამო, გემთმფლობელებმა შესაძლოა გადაწყვიტონ, რომ ტვირთის გადაზიდვა მათთვის მომგებიანი აღარ არის და ნაოსნობა შეწყვიტონ“.
https://bntnews.bg/news/s-oshte-2-sm-e-padnalo-nivoto-na-dunav-krai-ruse-tri-sa-zasednalite-korabi-1406345news.html