მზის დაბნელების პირდაპირი ტრანსლირებისას, აშშ-ის აერონავტიკის და კოსმოსური სივრცის კვლევის ეროვნული ადმინისტრაციამ (NASA) აჩვენა რუკა, რომელზეც დროებით ოკუპირებული ყირიმი უკრაინის მატერიკული ნაწილისგან ვიზუალურად იყო გამოყოფილი და რუსეთის ტერიტორიად იყო მონიშნული.
ამის ნახვა პირდაპირი ეთერის ჩანაწერშიც შეიძლება.
12 აგვისტოს, მსოფლიოს სხვადასხვა კუთხეში, ადამიანები მზის სრული დაბნელების მოწმენი გახდნენ. ის ყველაზე უკეთესად გრენლანდიაში, ისლანდიასა და ესპანეთში ჩანდა. დაბნელების ცალკეული ფაზები უკრაინაშიც დაფიქსირდა. მზის სრული დაბნელების პირდაპირი ტრანსლირება NASA-მ განახორციელა.
ტრანსლაციის დროს გადაცემაში გამოყენებულ რუკაზე, ყირიმი უკრაინის მატერიკული ნაწილისგან ვიზუალურად გამოყოფილი ხაზით იყო, რომელიც სახელმწიფო საზღვარს წააგავდა. შედეგად, ნახევარკუნძული რუსეთის ნაწილად წარმოჩინდა.
რუკაზე ყირიმის გამოსახვის შესახებ საჯარო კომენტარი NASA-ს, ჯერჯერობით, არ გაუკეთებია და არც ის განუმარტავს, იყო თუ არა ეს ტექნიკური ან კარტოგრაფიული შეცდომა.
https://suspilne.media/crimea/1377810-nasa-pokazala-okupovanij-krim-ak-castinu-rosii-pid-cas-translacii-zatemnenna/