ერთი წუთით წარმოიდგინეთ, რომ ამ ამებას მოსწონდეს ის, რასაც მე ვაკეთებ, რა შარში უნდა ვიყო, – ასე პასუხობს თავდაცვის მინისტრი ბიზნესმენ ლევან ვასაძის განცხადებას იმასთან დაკავშირებით, რომ თავდაცვის მინისტრად თინა ხიდაშელის დანიშვნა მეომრების შეურაცხყოფაა.
”ჩემო საყვარელო ჟურნალისტებო, ამ “ფრონტალურ” გაუგებრობას ჰკითხეთ, მე რომ სამშობლოს ღალატს ჩავდიოდი, ეს იმ ოთახში რას აკეთებდა იმ დროს? რა როლში იყო? და მერე მე რომ ეს ვთქვი მან რაო? ამოიგმინა მაინც? და აი მეორე მხარეს რომ ზის და გმინვაშია გულთგონხართა? და პასუხი გაეციო და რა ვუპასუხო, რა? ან როგორ ვუპასუხო? ჩემი ორთავთვალით მაქვს ნანახი, ან ორთავყურით გაგონილი-თქო? ნუ ნერვიულობთ ჩემებო, ეს ფრონტალური პერიოდული შემოტევა-კბენებ-ღრიალი მხოლოდ მაფხიზლებს და მარწმუნებს, რომ ყველაფერი წესრიგშია. აბა, ერთი წუთით წარმოიდგინეთ, რომ ამ ამებას მოსწონდეს ის, რასაც მე ვაკეთებ, რა შარში უნდა ვიყო. წავედი ფრანგ კოლეგასთან! მეტი ნატო საქართველოში!”, – წერს თინათინ ხიდაშელი ”ფეისბუქის” საკუთარ გვერდზე.