ბიძინა ივანიშვილი ფიროსმანის ტილოს „შველი წყლის პირას“ ხელოვნების მუზეუმს გადასცემს, – ამის შესახებ ბიძინა ივანიშვილმა ჟურნალისტებთან დღეს გამართულ შეხვედრაზე განაცხადა.
ბიძინა ივანიშვილის განცხადებით, მუზეუმებთან აქტიური მუშაობაა საჭირო, რომ ფიროსმანი უფრო ცნობადი გახდეს.
“ალბათ უნდა იყოს მსჯელობა იმაზე, რომ ფიროსმანის ნახატების 30% ან გავცვალოთ მუზეუმებთან და სხვა მხატვრები შემოვიტანოთ ან რაღაც. საცოდაობაა, რომ ფიროსმანი მარტო საქართველოში იყოს წარმოდგენილი. ის მსოფლიო დონის მხატვარია და მსოფლიო ამ სახით უნდა იცნობდეს. ამაზე საზოგადოება უნდა შეთანხმდეს. ფიროსმანს არ ჰქონდა იმდენი ნახატი, რამდენიც, მაგალითად, პიკასოს. ნახატების რაოდენობა ამის საშუალებას არ იძლევა, რომ კერძოსაც ბევრი ჰქონდეს, მუზეუმსაც და ა.შ. ამიტომ გადავეცი მუზეუმს, რომ დაიწყოს მსჯელობა, რომ ფოროსმანი უფრო პოპულარული გახდეს მსოფლიოში”, – განაცხადა ივანიშვილმა.
ბიძინა ივანიშვილმა ფიროსმანის ტილო ლონდონში „სოტბის“ აუქციონზე 7 ივნისს შეიძინა.