ბომონდი და „სვეცკი”, მერიაში რომ არიან ზოგ-ზოგიერთ სტრუქტურებში – ეს უნდა დამთავრდეს! – ამის შესახებ კულტურის პალატის პრეზიდენტმა დავით ოქიტაშვილმა ტელეკომპანია „პირველის” გადაცემა „რეაქციაში” განაცხადა.
„მე ვიცი, რომ კახის თბილისი სტკივა, რადგან კახიმ თავისი ცხოვრება და ეს პოლიტიკური წინსვლა სასწორზე დადო, რადგან, თუ თბილისი მას გაუბრაზდა, ეს იქნება მისი პოლიტიკური კრახი. მე მინდა, მას წარმატება ვუსურვო. ჩვენ ყველამ ჩვენს სახლში, რასაც თბილისი ჰქვია, ჩვენი წვლილი აგური უნდა დავდოთ. კახი არის გუნდურ თამაშს მიჩვეული. არ მინდა, ცუდად გამომივიდეს, ბატონი დათოს დროსაც კარგი რაღაცები ხდებოდა და ხდება, ამ ადამიანსაც მინდა მადლობა ვუთხრა, მაგრამ მე პირადად შევხვდები კახის და ვეტყვი, ეს ბომონდი და „სვეცკი”, მერიაში რომ არიან ზოგ-ზოგიერთ სტრუქტურებში – ეს უნდა დამთავრდეს! ისინი უნდა ზრუნავდნენ ხალხზე და არა თავის დაქალ-ძმაკაცებზე”, – განაცხადა ოქიტაშვილმა.