თამაზ მეჭიაურისა და ზაქარია ქუცნაშვილის დაპირისპირებას, რომელიც შეურაცხმყოფელ განცხადებებში გადაიზარდა, პუბლიცისტი თაკო ჩარკვიანი სოციალური ქსელის გვერდზე ეხმაურება.
”რაც ვნახეთ და მოვისმინეთ, (ქუცნაშვილ -მეჭიაურს ვგულისხმობ) ამას, რომ ყურადღებას არ მივაქცევთ და “გავატარებთ” – ესე იგი ყველაფრის ღირსები ვართ. რა სახელმწიფოებრიობაზეა საუბარი – ქვეყანა ბეღელი და დუქანი ჰგონიათ, ჩვენ კი მათ, კონსტიტუციის პატივისცემაზე ვესაუბრებით. აი, რატომ არ უნდა დაიხუროს არასოდეს არც ერთი ოპოზიციური არხი. აი, ნათელი მაგალითი იმისა, რომ ოპოზიციური არხი საჭიროა, თან რაც უფრო მეტი იქნება მით უფრო კარგია პოლიტიკური კულტურის განვითარებისთვის, რაც სახელმწიფოს განვითარებას ხელს უწყობს ცხადია (თუ გვინდა განვითარება) მეჭიაურ-ქუცნაშვილის ლექსიკას თუ მოვიშველიებთ – “ცუანა და კუანა” ხალხი არ ვართ ზუსტად ვიცი, არც არასოდეს ვყოფილვართ ჯაბანი ერი – აბა რა “ჯანდაბა” გვჭირს, რომ ამდენ შეურაცხყოფას ვიტანთ და სიბინძურეს ვისმენთ? და, მერე ვითმენთ?! სამოქალაქო საზოგადოების რიდით უნდა ძრწოდნენ ეს ტუტუცი პოლიტიკანები – სად არის რიდი და მოკრძალება ბატონებო?…”, – წერს თაკო ჩარკვიანი.