ცვლილებებს ნუ უყურებთ, როგორც დრამატულ მოვლენას, ის ყოველთვის იქნება, – ასე გამოეხმაურა ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი გადაცემა „რეაქციაში” სამთავრობო ცვლილებებს.
„უინსტონ ჩერჩილმა მერე მსოფლიო ომი მოიგო და მეორე დღეს ის გადაირჩია ინგლისელმა ხალხმა. ცვლილებები ყოველთვის იქნება და ამას უნდა შევეგუოთ. არავინ მეგულება მეორე, უფრო წარმატებული ადამიანი, ვიდრე ბატონი ივანიშვილი, მაგრამ ერთწლიანი პრემიერობის შემდეგ ის თავისით წავიდა თანამდებობიდან. იგივე გაიმეორა შემდეგმა პრემიერმაც და ასე შემდეგ. ცვლილებებს ნუ უყურებთ, როგორც დრამატულ მოვლენას, ის ყოველთვის იქნება. არამგონია საქართველოში იყოს ადამიანი, ვისაც არ ახსოვდეს ის უძილო ღამეები, რომელიც ამ ადამიანმა გაატარა (გიორგი მღებრიშვილი) ხანძრების წინააღმდეგ ბრძოლაში და ეს იმ მწირი რესურსებით გააკეთა, რაც გვქონდა”,-განაცხადა სუბარმა.