,,ვიქნები მომთხოვნი თითოეული მათგანისადმი და არ დავუშვებ, ჩვენი მოქალაქეების და ქალაქის პრობლემებისადმი გულგრილ დამოკიდებულებას“, – ეს განცხადება თბილისის მერმა კახა კალაძემ თბილისის რაიონის გამგებლების წარდგენისას განაცხადა.
მისი თქმით, ,,ქართულმა ოცნებამ“ თბილისის ამომრჩეველს დაპირებები მისცა და ოთხწლიანი გეგმა წარუდგინა და ახლა დროა მისი აღსრულების.
,, ეს ადამიანები გახდებიან მთავრობის მთავარი დასაყრდები თბილისის რაიონებსა და უბნებში. გამგებლები და გამგეობები ასრულებენ უმნიშვნელოვანეს როლს, კონკრეტული რაიონების კონკრეტული პრობლემების მოგვარებაში. ეს სწორედ ის რგოლია, რომელსაც ყოველდღიური შეხება აქვს მოქალაქეებთან, მათ პრობლემებთან და შესაბამისად, ყველაფერი უნდა გავაკეთოთ, რომ გამგებლები და გამგეობები ეფექტიანად მუშაობდნენ და წყვეტდნენ ჩვენი ქალაქისა და მოსახლეობის წინაშე არსებულ გამოწვევებს. ჩვენ თბილისელებს მივეცით კონკრეტული დაპირებები, წარვუდგინეთ ოთხწლიანი პროგრამა, რომელიც ჩვენ ერთად უნდა აღვასრულოთ. ჩემი მხრიდან, მომავალ გამგებლებს, თქვენ მეგობრებო, გექნებათ მაქსიმალური მხარდაჭერა და ყველა წინაპირობა საქმის კეთებისთვის. თუმცა უნდა განვაცხადო, რომ ამავდროულად ვიქნები მომთხოვნი თითოეული მათგანისადმი და არ დავუშვებ, ჩვენი მოქალაქეების და ქალაქის პრობლემებისადმი გულგრილ დამოკიდებულებას. დარწმუნებული ვარ, საზოგადოების მხარდაჭერით დიდ წარმატებებს მივაღწევთ და ეს ადამიანები უმნიშვნელოვანეს წვლილს შეიტანენ სიცოცხლით სავსე ქალაქის აღმშენებლობაში“, – განაცხადა კახა კალაძემ.
შეგახსენებთ, რომ დღეს კახა კალაძემ თბილისის რაიონის გამგებლები წარადგინა.
თბილისის 10 რაიონის ათი გამგებლის შემადგენლობა ასე გამოიყურება:
საბურთალოს რაიონის გამგებელი: გაიოზ ვასაძე
ვაკის რაიონის გამგებელი: ნოდარ ტურძელაძე
ჩუღურეთის რაიონის გამგებელი: ზურაბ ჩიკვილაძე
დიდუბის რაიონის გამგებელი: ირმა ზავრადაშვილი
ნაძალადევის რაიონის გამგებელი: ირაკლი ხელაძე
გლდანის რაიონის გამგებელი: ბექა მიქაუტაზე
კრწანისის რაიონის გამგებელი: ლევან ჯაფარიძე
მთაწმინდის რაიონის გამგებელი: დავით კირკიტაძე
ისნის რაიონის გამგებელი: კახა ლაბუჩიძე
სამგონის რაიონის გამეგებლი: დავით კერესელიძე.
წარდგენილი კანდიდატებიდან 5: გაიოზ ვასაძე, ნოდარ ტურძელაძე, ზურაბ ჩიკვილაძე, ირმა ზავრადაშვილი, ირაკლი ხელაძე, ნარმანიას მერობის დროს დანიშნული გამგებლები არიან, რომლებიც თავისი უფლებამოსილების შესრულებას კახი კალაძის მერობის პერიოდშის გააგრძელებენ.
კახი კალაძის მიერ წარდგენილი კანდიდატების სია თბილისის საკრებულოს დღესვე გადაეგზავნება, ხოლო მათი დამტკიცება პარასკევს მოხდება.