საზოგადოებრივი ტელევიზია ვერ იქნება ოფიციანტის როლში, ვინც რას შეუკვეთავს, შეასრულოს მექანიკურად – ამის შესახებ დეპუტატმა ნუკრი ქანთარიამ პლენარულ სხდომაზე განაცხადა, სადაც, საზოგადოებრივ მაუწყებელთან დაკავშირებით, ”მაუწყებლობის შესახებ” კანონში დაგეგმილი ცვლილებების პირველი მოსმენით განხილვა მიმდინარეობს.
“საზოგადოებრივი ტელევიზია ვერ იქნება ოფიციანტის როლში, ვინც რას შეუკვეთავს, შეასრულოს მექანიკურად. საზოგადოებრივმა ტელევიზიამ უნდა გააკეთოს ის, რასაც თვლის, რომ ამა თუ იმ ეტაპზე საზოგადოებას სჭირდება. ვერცერთი მისი გადაცემა ვერ გაყვითლდება. ჩვენ ხშირად ვაჯიბრებთ მას კომერციულ კერძო არხებთან, სადაც შეიძლება იყოს პატარა ტელეჯიხური, რომელმაც შეიძლება მართლაც სწრაფად აწიოს თავისი რეიტინგი იმიტომ, რომ ის იყოს მხოლოდ და მხოლოდ გარკვეულ სკანდალებზე მიპყრობილი. საზოგადოებრივ არხს კი, მგონია, რომ გაცილებით დიდი მისია აკისრია”, – განაცხადა ნუკრი ქანთარიამ.
პარლამენტში მაუწყებლობის შესახებ საკანონმდებლო პაკეტზე მსჯელობენ.
განხილვა პირველი მოსმენის რეჟიმში მიმდინარეობს.
“საზოგადოებრივი ტელევიზია ვერ იქნება ოფიციანტის როლში, ვინც რას შეუკვეთავს, შეასრულოს მექანიკურად”
2017/11/16 18:58:17
ნანახია: 963 ჯერ