თემქაზე მომხდარი ავარიის შედეგად, სამი ადამიანი დაშავდა. ე.წ. არაშენდას ტერიტორიაზე, საპირისპიროდ მიმავალი „მიცუბიშისა“ და „მერსედესის“ მარკის მანქანები ერთმანეთს შეეჯახნენ, ძლიერი შეჯახების შედეგად „მიცუბიშის“ ტიპის ავტომობილი ამოტრიალდა. შემთხვევა დღეს, დაახლოებით 09:00 საათზე მოხდა.
ავარიის შედეგად სამი ადამიანი დაშავდა. დაშავებულები სასწრაფო-სამედიცინო დახმარების ბრიგადამ საავადმყოფოში გადაიყვანა. ადგილზე მობილიზებული იყო როგორც საპატრულო ეკიპაჟის მანქანები, ასევე, სახანძრო-სამაშველო ბრიგადა.
როგორც „კვირას“ შინაგან საქმეთა სამინისტროს პრესსამსახურში განუცხადეს, მომხდარზე გამოძიება სისხლის სამართლის კოდექსის 276-ე მუხლით აღიძრა.
კომენტარები