საპარლამენტო უმრავლესობის დეპუტატი ოთარ ჩრდილელი, გაბრიელ სალოსის ქუჩაზე მიმდინარე სპეცოპერაციას სოციალურ ქსელში ეხმაურება.
„როდესაც საომარი ან საგანგებო სიტუაციაა, ან მიმდინარეობს ანტი-ტერორისტული სპეცოპერაცია, არ შეიძლება სამართალდამცავი და სამაშველო სამსახურების, ასევე, სასწრაფო სამედიცინო მომსახურების მანქანების ხელოვნურად შეფერხება, ამ შემთხვევაში, საუბარი მაქვს ჟურნალისტებზე. ინფორმაციის მოპოვების მიზნით, გთხოვთ – ნუ აყოვნებთ, ზემოთხსენებული სამსახურების ავტომანქანებს.
სპეცოპერაციისას (ნებსით თუ უნებლიეთ) არ უნდა ხდებოდეს მონაწილეთა რაოდენობის ან იდენტიფიცირების გამჟღავნება ისე, როგორც ერთი ტელევიზიით გადაიცა: რამდენიმე სპეცრაზმელის ადგილმდებარეობა და გადაადგილება. ცნობისთვის-დაბლარვა არსებობს ჯერ კიდევ“, – წერს ოთარ ჩრდილელი.
კომენტარები