მამუკა მდინარაძე სპეცოპერაციაზე: ყველა კითხვას ამომწურავი პასუხი სამომავლოდ აუცილებლად გაეცემა

ყველა კითხვას ამომწურავი პასუხი სამომავლოდ აუცილებლად გაეცემა, – ამის შესახებ ფრაქცია “ქართული ოცნების“ თავმჯდომარე მამუკა მდინარაძემ ბერი გაბრიელ სალოსის ქუჩაზე ჩატარებულ სპეცოპერაციასთან დაკავშირებით განაცხადა.
მამუკა მდინარაძე ჩატარებულ სპეცოპერაციასთან დაკავშირებით საპარლამენტო მოსმენის გამართვის საჭიროებას ვერ ხედავს.
“ყველამ და მათ შორის პოლიტიკოსმა, კარგად უნდა გაათვითცნობიეროს, რომ მსგავს თემებზე თითოეული ფრაზა, სიტყვა, წინადადება არის განსაკუთრებული რისკისა და საფრთხის შემცველი, თუ ამ ფრაზაში იქნება რაიმე ისეთი, რაც ანტისახელმწიფოებრივად იმუშავებს, შესაბამისად, ჩვენ უნდა ავიღოთ პასუხიმგბელობა იმაზე, რომ გარკვეული საკითხების გარშემო გავერთიანდეთ. რა თქმა უნდა, მომავალში გვექნება დისკუსიის დრო და ამაზე დისკუსია აუცილებლად შედგება _ განაცხადა მამუკა მდინარაძემ.