სამწუხაროდ, არაერთი ჭორი გვსმენია სხვადასხვა ამბავთან დაკავშირებით და ახლაც ვფიქრობ, საქმე გვაქვს გადაუმოწმებელ ინფორმაციასთან, – განაცხადა ადამიანის უფლებების დაცვისა და სამოქალაქო ინტეგრაციის კომიტეტის თავმჯდომარემ სოფო კილაძემ მედიაში გავრცელებულ ინფორმაციასთან დაკავშირებით, რომ სპეცოპერაციის დროს ერთ-ერთი ლიკვიდირებული პირი შესაძლოა, აჰმედ ჩატაევი იყოს.
„სანამ გამოძიება არ დასრულდება, მსგავსი განცხადებებისგან თავი უნდა შევიკავოთ და ვაცადოთ თავიანთი საქმე გააკეთონ. ზოგჯერ რაღაცეების სააშკარაოზე გამოტანა ნამდვილად ვნებს საქმეს. ბუნებრივია, არ გვიკვირს საზოგადოების ასეთი მაღალი ინტერესი, თუმცა ქვეყნის ინტერესებიდან გამომდინარე, ბოლომდე, უსაფრთხოდ უნდა მივიდეს ეს პროცესი“, – აღნიშნა კილაძემ.
კომენტარები