როგორც კი საგამოძიებო სამუშაოები დასრულდება, ჩვენ მაშინვე შევალთ და დავიწყებთ აღდგენით სამუშაოებს, – ასე უპასუხა თბილისის მერმა, კახა კალაძემ ბერი გაბრიელ სალოსის გამზირზე მდებარე კორპუსის მდგომარეობასთან დაკავშირებით დასმულ შეკითხვას, რომელიც სპეცოპერაციის შედეგად დაზიანდა.
როგორც მან განაცხადა, თბილისის მუნიციპალურ ლაბორატორიას კორპუსის შემოწმება ჯერ არ დაუწყია.
”როგორც კი საგამოძიებო სამუშაოები დასრულდება, ჩვენ მაშინვე შევალთ და დავიწყებთ აღდგენით სამუშაოებს. ველოდებით საგამოძიებო ჯგუფის გამოსვლას. ვერ გეტყვით ექვემდებარება თუ არა აღდგენას ეს კორპუსი. თბილისის მუნიციპალური ლაბორატორია შევა, როგორც კი ამის საშუალება მიეცემა, მხოლოდ ამის შემდეგ გვექნება სრული სურათი დაექვემდებარება თუ არა კორპუსი აღდგენას. თუ დაექვემდებარება აღდგენას, რა თქმა უნდა, დავიწყებთ სამუშაოებს. თუ იქნება გარკვეული პრობლემები და იქნება შეუძლებელი სამუშაოების წარმოება, აღდგენას არ განვახორციელებთ”, – განაცხადა კალაძემ.