სახელმწიფო უსაფრთხოების სამსხაური ადასტურებს ინფორმაციას, რომ 26 დეკემბერს ტრაპზონში დაკავებული საქართველოს მოქალაქე ნამდვილად გოჩა საგინაძეა.
“ექსკლუზივ ნიუსი” ინფორმაციის გადასამოწმებლად, სუსი-ის ადმინისტრაციის უფროსის მოადგილე ნინო გიორგობიანს დაუკავშირდა. მან ჩვენთან საუბარში განაცხადა, რომ – საგინაძე თურქმა სამართალდამცავებმა ქართველი კოლეგების მიერ მიწოდებული ინფორმაციის საფუძველზე დააკავეს.
აღნიშნული ინფორმაცია კი სახელმწიფო უსაფრთხოების სამსხაურმა, ბერი გაბრიელ სალოსის ქუჩაზე მდებარე სახლიდან ამოღებული აჰმედ ჩატაევის მობილური ტელეფონიდან მოიპოვა.
-“დიახ, არსებული საერთაშორისო თანამშრომლობისა და აჰმედ ჩატაევის საქმის გამოძიების ფარგლებში, სახელმწიფო უსაფრთოების სამსახურის მიერ მიწოდებული ინფორმაციის საფუძველზე, თურქმა სამართალდამცავებმა 26 დეკემბერს ტრაპიზონის პროვინციაში საქართველოს მოქალაქე გოჩა საგინაძე დააკავეს. დაკავებული ტერორიზმთან კავშირშია მხილებული. თურქმა სამართალდამცავებმა ბრალდებულის კუთვნილი ტერორისტულ ორგანიზაცია “ისლამურ სახელმწიფოსთან” დაკავშირებული მასალები ამოიღეს. თურქი სამართალდამცავებისთვის გადაცემული ინფორმაცია სახელმწიფო უსაფრთხოების სამსახურის მიერ მოპოვებული იქნა აჰმედ ჩატაევის კუთვნილი მობილური ტელეფონიდან, რომელიც თბილისში ბერი გაბრიელ სალოსის ქუჩაზე მდებარე საცხოვრებელი სახლიდან ამოიღეს. საქართველოს სახელმწიფო უსაფრთხოების სამსახური მჭიდროდ თანამშრომლობს თურქ კოლეგებთან, ისევე როგორც სხვა პარტნიორი ქვეყნების შესაბამის უწყებებთან,” – განუცხადა “ექსკლუზივ ნიუსს” სუს-ის ადმინისტრაციის უფროსის მოადგილემ, ნინო გიორგობიანმა.