რატიანის საქმე მაღალი ობიექტურობის ხარისხით უნდა იყოს გამოძიებული, – ამის შესახებ შინაგან საქმეთა მინისტრმა გიორგი გახარიამ კულტურისა და ძეგლთა დაცვის სამინისტროში, მწერლებთან შეხვედრის შემდეგ განაცხადა.
„რაც შეეხება რატიანის ქეისს, ეს კონკრეტული შემთხვევა საჭიროებს დეტალურ გამოძიებას, რომ ყველა მხარის შინაგანი რწმენა იყოს მაქსიმალურად მაღალი ამ საქმის ობიექტურობასთან დაკავშირებით. ჩვენ დარწმუნებული ვართ და ჩვენი პოზიცია დავაფიქსირეთ, რომ ეს ჩვენი მხრიდან იქნება ობიექტურობის უმაღლესი დონით ჩატარებული და მაღალი ობიექტურობის ხარისხით გამოძიებული. ვიდეოს გავრცელება იყო არასასიამოვნო მომენტი, თუმცა ძირითადი კომპონენტი უნდა გავაკეთოთ საზოგადოების რეაგირებაზე, ეს არის სამწუხარო მომენტი, თუმცა ვფიქრობ, მხარეები ამ გამოწვევასაც გავუძლებთ და ვუპასუხებთ. მე არ ვიცი ამ საქმის დეტალები ზუსტად, კონკრეტულად ამ ჩანაწერებთან დაკავშირებით. როგორც ვიცი, სრული ჩანაწერი, რომელიც იყო წარმოდგენილი სასამართლო პროცესზე, არსებობს ინტერნეტში, სადღაც დევს საიტზე“, – განაცხადა გიორგი გახარიამ.