ბრალდებულის მაგდა პაპიძის დამ დარბაზი პროტესტის ნიშნად დატოვა.
კანა პაპიძემ გამომძიებლის, ნუგზარ ნათელაშვილის ჩვენება გააპროტესტა, რომლის მიხედვითაც ლანა პაპიძე მკვლელობიდან სამ დღეში დაუკავშირდა მას ტელეფონით და მოიკითხა გამოძიების მიერ ბერძენიშვილის სახლიდან ამოღებული ოქროულობის ბედი.
“ლანამ როგორც მითხრა, მისი ოქროს ნივთებიც იყო ამოღებულ სამკაულებს შორის. ჩვენ არც ვგეგმავდით ჯერ მის დაკითხვას, ჭირისუფლების დაკითხვას პირველ დღეებში ვერიდებით ხოლმე, თუმცა რადგან თვითონ დამიკავშირდა, დავიბარეთ და დავკითხეთ. მასაც ეჭვი მის დაზე ჰქონდა“,-განაცხადა ნათელაშვილმა.
ლანა პაპიძემ მოწმე სიცრუეში დაადანაშაულა და განაცხადა, რომ გამომძიებელთან 22 დეკემბერს მას არ დაურეკავს და დაკითხვაზე თავად გამომძიებელმა დაიბარა.
“მე და დედაჩემი პანაშვიდებიდან წაგვიყვანა, თავად გამომძიებელმა დამირეკა. რა სისულელეა, რა ოქროულობა, მე არ მომითხოვია, რა დროს ოქროულობა იყო“, -განაცხადა ლანა პაპიძემ.