რესტორანში სამი ადამიანის დაჭრაში ბრალდებული მომღერლის საქმეზე სასამართლო, სავარაუდოდ, დღეს იმსჯელებს გმირთა მოედნის ტერიტორიაზე, ერთ-ერთ რესტორანში სამი ადამიანის დაჭრაში ბრალდებულის აღკვეთის ღონისძიებაზე სასამართლო, სავარაუდოდ, დღეს იმსჯელებს.
როგორც „ინტერპრესნიუსისთვის“ არაოფიციალურად ხდება ცნობილი, ბრალდებული ს.ს. არასრულწლოვანია.
ბრალდებულის ადვოკატის, ირმა შალამბერიძის ინფორმაციით, ის ჯერ საქმის მასალებს არ გაცნობია. მისივე განმარტებით, სხეულზე გარკვეული დაზიანებები მისი დაცვის ქვეშ მყოფსაც აღენიშნება.
გმირთა მოედანზე რესტორან „აღაში“ დაბადების დღეზე დაწყებული დაპირისპირება სამი ადამიანის დაჭრით ორი დღის წინ დასრულდა. არსებული ინფორმაციით, ბრალდებული აღნიშნულ რესტორანში მიწვეული მომღერალი იყო.
კომენტარები