ზურაბ ბიგვავამ საზოგადოებრივი მაუწყებლის ეთერში „ქართული ოცნების“ დაკვეთით ჩატარებული შიდა კვლევების შესახებ ისაუბრა. მისი თქმით, ბოლო ერთი თვის განმავლობაში მკვეთრად გამყარდა ქართული ოცნების ლიდერის, გიორგი კვირიკაშვილის რეიტინგი და დღეისთვის 42 პროცენტს შეადგენს, დავით ბაქრაძის 21 პროცენტის წინააღმდეგ. ნაციონალურ მოძრაობას გამოკითხულთა დაახლოებით 13 პროცენტი უჭერს მხარს.
რაც შეეხება თავად ქართული ოცნების რეიტინგს, ეს მაჩვენებელი, წინა კვლევებთან შედარებით 5 პროცენტით არის გაზრდილი და დღეისთვის 35 პროცენტს შეადგენს.
ბიგვავას განცხადებით, იმ ამომრჩველთა საერთო რაოდენობა, რომელსაც ჯერ არ აქვს გადაწყვეტილი, თუ რომელ პოლიტიკურ ორგანიზაციას დაუჭერს მხარს, აღნიშნული კვლევის მიხედვით 14 პროცენტია.
კომენტარები