„ქართული ოცნების“ პოლიტიკურმა საბჭომ ერთხმად მიიღო გადაწყვეტილება პარტიის თავმჯდომარედ ბიძინა ივანიშვილის წარდგენის შესახებ, – აღნიშნული განცხადება პოლიტსაბჭოს სხდომის შემდეგ, პარტიის გენერალურმა მდივანმა, თბილისის მერმა კახა კალაძემ გააკეთა.
დღესვე, კახა კალაძემ პარტია „ქართული ოცნების“ პოლიტსაბჭოს ახალი შემადგენლობა დაასახელა, რომელსაც ასევე ყრილობაზე დაამტკიცებენ.
„ქართული ოცნების“ პოლიტსაბჭოს სხდომა პარტიის ცენტრალურ ოფისში დღეს გაიმართა. შეხვედრაზე ყრილობაზე განსახილველი საკითხები განიხილეს.
„ქართული ოცნება-დემოკრატიული საქართველოს“ ყრილობა კი, 11 მაისს გაიმართება, რომელზეც პარტიის თავმჯდომარედ ბიძინა ივანიშვილს აირჩევენ.
კომენტარები