ხანძარს თბილისში ერთი ადამიანის სიცოცხლე ემსხვერპლა. ცეცხლი გვიან ღამით დიდუბეში, გევენეტაძის ქუჩაზე მდებარე 5 სართულიან საცხოვრებელი სახლის პირველ სართულზე გაჩნდა. ინფორმაციას “რუსთავი 2” ავრცელებს.
სახლში ხანძრის დროს 4 ადამიანი იმყოფებოდა, რომელთაგან ერთი მწოლიარე იყო და მან გამოსვლა ვერ შეძლო.
დაშავებულებს შორის ერთი მცირეწლოვანი ბავშვია, ის იაშვილის სახელობის კლინიკაშია გადაყვანილი.
დამწვრობის ცენტრშია მოთავსებული კიდევ 2 ადამიანი, ერთი დაშავებულის მდგომარეობა მძიმეა.
ძლიერი დაკვამლიანების გამო საჭირო გახდა სადარბაზოს კორპუსში მცხოვრებლების ევაკუაციაც, თუმცა დაახლოებით ერთ საათში მოსახლეობა სახლებში დააბრუნეს.
კომენტარები