“ჩემთვის მიუღებელია ფაშისტური ჯგუფების არსებობა ქვეყანაში”

ჩემთვის მიუღებელია ფაშისტური ჯგუფების არსებობა ქვეყანაში და, რა თქმა უნდა, მთავრობისთვის ყოველთვის მიუღებელი იქნება ასევე მათი არსებობა, – ამის შესახებ ვიცე-პრემიერმა, საგარეო საქმეთა მინისტრმა, მიხეილ ჯანელიძემ განაცხადა.
“ჩემთვის მიუღებელია ფაშისტური ჯგუფების არსებობა ქვეყანაში და, რა თქმა უნდა, მთავრობისთვის ყოველთვის მიუღებელი იქნება ასევე მათი არსებობა. მთავრობა ყოველთვის შეებრძოლება ამ ჯგუფების არსებობას საქართველოში. რაც შეეხება რადიკალურ ჯგუფებს, ამასაც სჭირდება პროცესის მართვა და, რა თქმა უნდა, სახელმწიფო გადადგამს ყველა იმ ნაბიჯს, რომ აცილებული იქნას თავიდან რადიკალიზაცია, რადიკალურ ჯგუფებს შორის დაპირისპირება და, რა თქმა უნდა, პირველ რიგში რუსეთის ინტერესების გატარება საქართველოში“, – განაცხადა მიხეილ ჯანელიძემ.