23 მაისს აფხაზეთის დღე აღინიშნება

23 მაისი –  სვიმონ კანანელის ხსენების დღე, სრულიად საქართველოს კათოლიკოს-პატრიარქმა, უწმინდესმა და უნეტარესმა ილია II-მ რადენიმე წლის წინ აფხაზეთის დღედ გამოაცხადა.
სვიმონ კანანელის ხსენების დღესთან დაკავშირებით სიონის საკათედრო ტაძარში პარაკლისი აღევლინება;
აფხაზეთის ა/რ რესპუბლიკის მთავრობის წარმომადგენლები აფხაზეთის დღესთან დაკავშირებით გმირთა მემორიალს გვირგვინით შეამკობენ;
საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, აფხაზეთის დღესთან დაკავშირებით, სიონის საკათედრო ტაძარში პარაკლისს დაესწრება;
ფრაქცია „ქართული ოცნების“ თავმჯდომარის, მამუკა მდინარაძის ინიციატივით, აფხაზეთის დღის აღსანიშნავად, პარლამენტში გაიმართება გამოფენა სახელწოდებით – „ჩემი სახლი აფხაზეთში“;
დღის ბოლოს კი, შოთა რუსთაველის სახელობის სახელმწიფო დრამატულ თეატრში აფხაზეთის სიმღერისა ცეკვის სახელმწიფო ანსამბლის „აფხაზეთი“ საანგარიშო-საიუბილეო კონცერტი გაიმართება.