საქართველოს დემოკრატიული რესპუბლიკის 100 წლის საიუბილეო თარიღთან დაკავშირებით საქართველოს ვიზიტით სლოვაკეთის პრეზიდენტი ანდრეი კისკა ეწვია. სტუმარს თბილისის საერთაშორისო აეროპორტში საგარეო საქმეთა მინისტრის მოადგილე ზვიად გონაძე დახვდა. მან მადლობა გადაუხადა პრეზიდენტს საქართველოსთვის ამ მნიშვნელოვანი თარიღის აღსანიშნავ ღონისძიებებში მონაწილეობისთვის.
„განსაკუთრებით, რა თქმა უნდა მისასალმებელია იმ ქვეყნების ხელმძღვანელების ვიზიტი, რომლებიც ჩვენი მხარდამჭერები არიან როგორც ორმხრივ, ასევე მრავალმხრივ ფორმატებში საერთაშორისო დონეზე და გამოსაყოფია რა თქმა უნდა სლოვაკეთის პრეზიდენტი, რომელიც ჩვენი მხარდამჭერია ყველა ფორმატში“, – განაცხადა გონაძემ.
სლოვაკეთის რესპუბლიკის პრეზიდენტი შეხვედრებს გამართავს ქვეყნის ხელმძღვანელობასთან და მონაწილეობას მიიღებს სადღესასწაულო ღონისძიებებში