ჩემთვის კატეგორიულად მიუღებელია ის ფაქტი, რაც მოხდა ყიფიანის ქუჩაზე,- ამის შესახებ დედაქალაქის მთავრობის სხდომაზე კახა კალაძემ განაცხადა.
მან შესაბამის სამსახურებს მოუწოდა, გაარკვიონ, თუ რამ გამოიწვია დღეს მომხდარი ინციდენტი.
“მინდა დავავალო ილია ელოშვილს, რომ დღესვე, დაიბარონ სამშენებლო კომპანიის წარმომადგენლები, ამოწიონ ყველა დოკუმენტაცია ამ სამშენებლო ობიექტის შესახებ და დრის ბოლოს გარკვეული იყოს ყველაფერი”, – განაცხადა კალაძემ.
კალაძემ კიდევ ერთხელ მოუწოდა სამშენებლო კომპანიის ხელმძღვანელებს უზრუნველყონ სამშენებლო კომპანიებზე დასაქმებულების უსაფრთხოება. სამშენებლო ობიექტების მიმდებარე ტერიტორიაზე მცხოვრებლების უსაფრთხოება და დაიცვან ყველა ნორმა, რაც მშენებლობას უკავშირდება.
“კიდევ ერთხელ მოგიწოდებთ, ნუ დააყენებთ პირად ინტერესებს ყველაფერზე მაღლა”, – განაცხადა კალაძემ.
მთაწმინდაზე კლდე ჩამოიშალა. მომხდარის ამსახველი ვიდეო სოციალურ ქსელში ვრცელდება.