თამარ ჩუგოშვილი – პარლამენტი პოლიტიკურ გადაწყვეტილებას იღებს

საკანონმდებლო ორგანომ ხორავას ქუჩაზე მოკლული მოზარდების მკვლელობის საქმეზე დროებითი საგამოძიებო კომისიის შექმნის თაობაზე უპრეცედენტო გადაწყვეტილება მიიღო. ამის შესახებ პარლამენტის პირველმა ვიცე-სპიკერმა თამარ ჩუგოშვილმა განაცხადა.
“ფაქტობრივად, უპრეცედენტო გადაწყვეტილებას ვიღებთ, რადგან საგამოძიებო კომისია რამდენჯერმე არის შექმნილი და არასდროს არ არის შექმნილი კონკრეტულ სისხლის სამართლის საქმეზე, როცა ჯერ კიდევ სამართლებრივი პროცესები მიმდინარეობს. ვინაიდან, საზოგადოების დამოკიდებულება ასეთი მძიმეა და ამდენი კითხვაა, ფაქტობრივად, პარლამენტი პოლიტიკურ გადაწყვეტილებას იღებს, რათა დეტალებში თავად ჩაიხედოს, თავად გაერკვეს თუ რა მოვლენები განვითარდა ზუსტად და საზოგადოებას შესაძლებლობა ჰქონდეს, რომ ამ ყველაფერზე ინფორმაცია სრულად მიიღოს. ვთქვით, რომ ამ საქმეზე მართლმსაჯულება აუცილებლად აღსრულდება“, – განაცხადა ჩუგოშვილმა.