ალეკო ელისაშვილი: „ნაციონალური მოძრაობა“ ზაზა სარალიძის ტკივილს აშკარად რევოლუციის დასაწყებად იყენებს

„ნაციონალური მოძრაობა“ ზაზა სარალიძის ტკივილს აშკარად იყენებს რევოლუციის დასაწყებად”, – ამის შესახებ საკრებულოს ყოფილმა დეპუტატმა, ალეკო ელისაშვილმა პარლამენტის შენობასთან განაცხადა და რუსთაველის გამზირზე მისვლის მიზეზი განმარტა.
“მე მოვედი არა კონსულტაციისთვის, არამედ იმისთვის, რომ ზაზა სარალიძე ვნახო. სამწუხაროდ, ის არც კარავშია და ტელეფონიც გამორთული აქვს. მე მინდა, რომ ის „ნაციონალური მოძრაობის“ მძევლობიდან დავიხსნა. „ნაციონალური მოძრაობა“ მის ტკივილს აშკარად იყენებს რევოლუციის დასაწყებად, ეს დაუშვებელია და დიდი უსინდისობაა. ამით მთლიანად იფანტება ის ყველაფერი, რაც ამ დღეების განმავლობაში იყო. დღეს დაგეგმილი აქციით, ერთი მხრივ, „ნაციონალური მოძრაობა“ დაეხმარება „ქართულ ოცნებას“, გამოძვრეს სიტუაციიდან. ეს იყო გულწრფელი პროტესტი გამწარებული ადამიანისა, მაგრამ ეს ტკივილი გამოიყენეს”, – განაცხადა ალეკო ელისაშვილმა.