აჭარაში ახალი პოლიტიკური პარტია იქმნება. ინფორმაციას ამის შესახებ მედია ვასაძე ავრცელებს. ტოკშოუ არჩევანში მონაწილეობის დროს აჭარის უმაღლესი საბჭოს წევრი ამბობს, რომ ახალი პარტია შეავსებს პოლიტიკურ სივრცეს და ოპონირების რეჟიმში იქნება როგორც ქართულ ოცნებასთან, ასევე ერთიან ნაციონალურ მოძრაობასთან.
“თუკი ვარშალომიძის ჩამოსვლამდე ჩვენ ვფიქრობდით, მიგვეღო გარკვეული შემოთავაზებები, ჩვენ ვემზადებით, რომ რეგისტრაცია გავუკეთოთ ახალ პოლიტიკურ პარტიას, რომელიც თავის დროზე საზგადოებრივ ორგანიზაციად იყო ჩამოყალიბებული. ჩვენ გარკვეულწილად შევავსებთ პოლიტიკურ სივრცეს. ვიქნებით ოპონირების რეჟიმში როგორც ქართულ ოცნებასთან, ასევე ნაციონალურ მოძრაობასთანაც. ნაციონალური მოძრაობის რეანიმაციას მე გამოვრიცხავ, ამიტომ ძირითადად ოპონირების რეჟიმში ვიქნებით ქართულ ოცნებასთან,”- აცხადებს მედია ვასაძე.
www.rustavi2.com