აგროდაზღვევისთვის წელს 10 მილიონი ლარი გამოიყოფა. ამის შესახებ სოფლის მეურნეობის მინისტრმა აგროდაზღვევის სახელმწიფო პროგრამაში ჩართულ სადაზღვეო კომპანიების წარმომადგენლებთან შეხვედრისას განაცხადა.
ოთარ დანელიას განმარტებით, 2016 წელს პროექტში განხორციელებული ცვლილებების შესაბამისად, ფერმერს შეუძლიათ= ხუთ ჰექტრამდე მიწის ნაკვეთი დააზღვიოს, თითოეული დამზღვევი კი 60%-ის ნაცვლად, 70%-იან დაფინანსებას პროგრამით გათვალისწინებულ ყველა კულტურაზე მიიღებს, ხოლო ვაზზე 40%-ის ნაცვლად, სახელმწიფო დაზღვევის 50%-ს აანაზღაურებს.
აგროდაზღვევის პროგრამის მენეჯერი, ლევან მაღრაძის განმარტებით, რეგისტრირებული მიწის ნაკვეთის შემთხვევაში სახელმწიფო დაფინანსება 10 %-ით მეტი – 80% იქნება.
აგროდაზღვევის სახელმწიფო პროგრამა 2014 წელს დაიწყო და მასში ხუთი სადაზღვეო კომპანიაა ჩართული. ორი წლის განმავლობაში აგროდაზღვევის პროგრამის ფარგლებში 28,690 პოლისია გაცემული, ჯამში კი 193,343,000 ლარის შემოსავალია დაზღვეული. ფერმერებმა 2014-2015 წლებში 13 მილიონი ლარის ოდენობის ზარალი აუნაზღაურდათ.