გია აბაშიძე – “ოცნებას” უნიათო ხელისუფლებას, შლეგის გარდა, ვერავინ უწოდებს

ექსპერტი გია აბაშიძე სოციალურ ქსელში „გორბის” მიერ ჩატარებულ კვლევას ეხმაურება და წერს, რომ “ოცნებას” უნიათო ხელისუფლებას, შლეგის გარდა, ვერავინ უწოდებს, ვერც „გორბის” კვლევებს დააყენებს ეჭვქვეშ.
ექსპერტის აზრით, პრემიერ გახარიას ხელმძღვანლობით, მთავრობა სამაგალითოდ მუშაობს და იმუშავებს.
„ორ წელიწადში მმართველი გუნდის იმიჯი ასე გამოსწორდეს? მართლაც შეთქმულების თეორეტიკოსთა რიგებში უნდა ჩაეწერო – კორონა „ქართული ოცნების” შექმნილია. ცხადია, არა. „ოცნებას” უნიათო ხელისუფლებას, შლეგის გარდა, ვერავინ უწოდებს. ვერც “გორბის” კვლევებს დააყენებ ეჭვქვეშ. წლებმა ეს დაადასტურა. ამასთანავე, პრემიერ გახარიას ხელმძღვანლობით, მთავრობა სამაგალითოდ მუშაობს და იმუშავებს.
​მთავარი გამოწვევა კი კონსტრუქციული ოპოზიციური ძალების გაძლიერებაა, რადგან ასეთების გარეშე ნებისმიერი მთავრობა ვერ იქნება სრულფასოვანი. მერამდენედ გავიმეორებ – ვოცნებობ საქმიან ჩრდილოვან კაბინეტზე, რომელიც ხელისუფლების დელეგიტიმაციას კი არ ცდილობს, არამედ ებრძვის მას დარგობრივი, ალტერნატიული პროექტებით.
ადრე თუ გვიან, ახდება ეს ოცნება მოქოქილი ახალი თაობის შემხედვარე”, – წერს გია აბაშიძე.