„ანაკლიის კონსორციუმმა“ დღეს თავი შეგვახსენა და განაცხადა, რომ საქართველოს წინააღმდეგ არბიტრაჟში დავას იწყებს. უპერსპექტივო დავას, რომელიც განწირულია წაგებისათვის”, – წერს სოციალურ ქსელში ექსპერტი ნიკოლოზ მჭედლიშვილი.
მისი თქმით, როცა კონსორიუმთან კონტრაქტი გაწყვეტილია, არბიტრაჟში ითხოვენ საქართველოსაგან “მიყენებული ზიანის” ანაზღაურებას და კომპენასაციას ერთი მილიარდი დოლარის ოდენობით.
,,ჯერ იყო და კონსორციუმმმა ვერაფრით მოაბა თავი პორტის მშენებლობას თავისი შემადგენლობის არაპროფესიონალიზმისა და ფინანსური სახსრების არარსებობის გამო . შემდეგ, მთავრობისაგან მოითხოვეს სახელმწიფო გარანტიები საერთაშორისო ბანკებიდან ფულის მოსაზიდათ. ანუ, ხალხის ხარჯზე უნდოდათ თავიანთი კერძო პროექტის დაწყება. ახლა, როცა მათთან კონტრაქტი გაწყვეტილია, არბიტრაჟში ითხოვენ საქართველოსაგან “მიყენებული ზიიანის” ანაზრაურებას და კომპენასაციას ერთი მილიარდი დოლარის ოდენობით. მეგობრებო, გირჩევთ კარგი იურისტები დაიქირავოთ. თუ ეს ის მილიარდია, რომელიც თქვენ ჩადეთ უკვე პროექტში და მთავრობამ არ გაცალათ მუშაობა, მაშინ ამ თანხად ორი-სამი პორტი უნდა აგემუშავებინათ. თუ ეს მილიარდი პროენციურად მისაღები მოგება იყო, მაშინ საერთაშორისო ბანკები რატომ გთხოვდნენ სახელმწიფო გარანტიებს ტვირთების ნაკადების დასაზღვევად. მოკლეთ, აქაც გაიხლართებით. უფრო სწორედ უკვე გაიხლართეთ. თქვენ ისევე მოიგებთ ამ დავას, როგორც პორტი ააშენეთ“, – წერს ნიკოლოზ მჭედლიშვილი.