ის, რაც დღეს ოპოზიცურ სპექტრში ხდება ალბათ პოლიტიკური მეცნიერების სახელმძღვანელოებშია შესატანი, გამომდინარე იქიდან, რომ ოპოზიცია ყველა ქვეყანაში მოქმედებს თანმიმდევრულად, გააჩნიათ საარჩევნო პროგრამა და მათი მთავარი მიზანი – ხელისუფლებაში მოსვლა არის იმისთვის, რომ შეცვალონ ხელისუფლება და უკეთესი გააკეთონ. საქართველოში სულ სხვა სურათი გვაქვს, – ამის შესახებ ანალიტიკოსმა, ლევან ნიკოლეიშვილმა „დღის ქრონიკაში“ განაცხადა.
„თავიდან ვნახეთ, რომ ოპოზიცია ჩამოყალიბდა განსაკუთრებულ ძალად, რომელიც იყოფოდა სხვადასხვა ნაწილად, შემდეგ შეძლეს შეკრება, თავი მოიყარეს „ნაციონალური მოძრაობის“ გარშემო, ის გახდა მათი მამოძრავებელი, შემდეგ გადაინაცვლეს ფანჩატურში, თავიანთ თავს ე.წ. გაერთიანებული ოპოზიცია უწოდეს და რაც ყველაზე მთავარი იყო, აქ თავი ადამიანების ისეთმა ჯგუფმა მოიყარა, რომლებიც თავის დროზე ერთმანეთს ლანძღავდნენ.
რეალური სურათი კი მაშინ გამოჩნდა, როდესაც ნათელაშვილის ფანჩატურში დავინახეთ ადამიანების კატეგორიას, რომლებიც გარკვეული იდეისთვის ან რეალურად არჩევნებისთვის არ იბრძოდნენ. თითოეულ მათგანს მხოლოდ თანამდებობა აინტერესებს, აქვთ პირადი ინტერესი და აქედან გამომდინარე ესენი ხალხსა და საზოგადოებაზე არ ფიქრობენ“, – განაცხადა ლევან ნიკოლეიშვილმა.