ბრიუსელში ვიზიტით მყოფი საქართველოს პრეზიდენტი, სალომე ზურაბიშვილი ევროკავშიერის უმაღლეს წარმომადგენელს ჟოზეპ ბორელის შეხვდა.
ევროკავშირის პრესსამსახურის ცნობით, მხარეებმა ოკუპირებულ ტერიტორიებზე არსებული ჰუმანიტარული ვითარება განიხილეს, რაც განსაკუთრებით ნეგატიურ გავლენას ახდენს იქ მცხოვრებთა საცხოვრებელ პირობებსა და ჯანდაცვის სისტემისადმი ხელმისაწვდომობაზე, რაც უდიდესი შეშფოთების საგნად რჩება.
უმაღლესმა წარმომადგენელმა აღნიშნა, რომ ევროკავშირი განაგრძობს საქართველოს ტერიტორიული მთლიანობისა და სუვერენიტეტისადმი მხარდაჭერას და მხარს უჭერს კონფლიქტის მშვიდობიან გადაჭრას.
ჟოზეპ ბორელი მიესალმა საქართველოს მიერ ასოცირების ხელშეკრულების ფარგლებში მიღწეულ პროგრესს და მის თანამშრომლობას აღმოსავლეთ პარტნიორობის ფარგლებში.
ევროკავშირის უმაღლესმა წარმომადგენელემა პოლიტიკური პარტიების მიერ საერთო გზების პოვნის მნიშვნელობას გაუსვა ხაზი და აღნიშნა, რომ საქართველოს სჭირდება სრულად ფუნქციონირებადი პარლამენტი.
მხარეებმა COVID-19-ის პანდემიის საკითხი განიხილეს, რომლის დროსაც ჟოზეპ ბორელიმ აღნიშნა ევროკავშირის მხრიდან ქართველი ხალხისადმი სოლიდარობა, რაც გამოიხატა ევროკავშირის მხრიდან ჯანდაცვის სისტემის გაძლიერების, ეკონომიკური აღდგენისა და დამცავი აღჭურვილობის გადაცემის კუთხით გაწეულ დახმარებაში.
ევროკავშირის უმაღლესმა წარმომადგენელმა ასევე გაუსვა ხაზი ევროკავშირის მხარდაჭერის მნიშვნელობას იმ კუთხით, რომ კოვიდსაწინააღმდეგო ვაქცინა ყველასთვის იყოს ხელმისაწვდომი.
ამასთან, ევროკავშირის დახმარება შეიძლება იყოს გამოყენებული საქართველოს მთავრობის მიერ COVID-19-ის საწინააღმდეგო ვაქცინაციის კამპანიის მოსამზადებლად.