საფრანგეთში ადგილობრივი წარმოების კოვიდსაწინააღმდეგო ვაქცინის, Xav-19-ის კლინიკური გამოცდა დაიწყო. ადგილობრივი მედიის ინფორმაციით, კომპანია Xenothera-ს ვაქცინა პოლიკლონალური ანტისხეულებისგან შედგება, რომლებიც ღორის ანტისხეულების საფუძველზეა მიღებული.
პრეპარატის ტესტირება ე.წ. Polycor-ის სტანდარტით ტარდება. ექსპერიმენტში, რომელშიც ნანტის საუნივერსიტეტო ჰოსპიტალთან ერთად 40-მდე კლინიკა იქნება ჩართული, ჯამში 400-მდე მოხალისე მიიღებს მონაწილეობას. ამ დროისათვის პროექტში 21 კლინიკის 67 პაციენტი მონაწილეობს.
კომენტარები