ისრაელი საჰაერო მიმოსვლას ნაწილობრივ აღადგენს. ამის შესახებ ისრაელის ტრანსპორტის მინისტრმა, მირი რეგევმა განაცხადა.
მინისტრის განცხადებით, 7 მარტიდან დავიდ ბენ გურიონის აეროპორტში ყოველდღიურად ათასამდე მგზავრი დაიშვება, ხოლო 14 მარტიდან ეს რიცხვი 3 ათასამდე გაიზრდება.
აღსანიშნავია, რომ ქვეყანაში შემოსვლელ მგზავრებს ტესტირების გავლა მოუწევთ. იმ შემთხვევაში, თუ ისინი ვერ დაამტკიცებენ, რომ ვაქცინაცია გაიარეს ან კორონავირუსისგან გამოჯანმრთელდნენ, მათ კარანტინის გავლა მოუწევთ.
გარდა ამისა, ისრაელის ვაქცინირებულ მოქალაქეებს გარკვეული მიმართულებით ქვეყნის დატოვების საშუალებას მისცემენ, ხოლო არავაქცინირებულ მოქალაქეებს ქვეყნის დატოვების ნებართვის მიღება მოუწევთ.
უცხოელებს ისრაელში შესასვლელად კვლავ სჭირდებათ სპეციალური ნებართვის მიღება.
25 იანვარს, ქვეყანაში კორონავირუსის მუტაციის შემოტანის აღკვეთის მიზნით, ისრაელის მთავრობამ დავიდ ბენ-გურიონის აეროპორტის ფუნქციონირება შეაჩერა.