მინდა კიდევ ერთხელ გავიმეორო მადლობა ვახტანგ გომელაურის და ყველა პოლიციელის მიმართ, – ამის შესახებ ჟურნალისტებს საპარლამენტო უმრავლესობის წარმომადგენელმა, სოზარ სუბარმა განაცხადა. ხვალ შს მინისტრი პარლამენტის წინაშე წარდგება.
სუბარის თქმით, პოლიციელები ასრულებენ უდიდეს საქმეს, უძლებენ უდიდეს წნეხს და შეურაცხყოფებს.
„მართლა წარმოუდგენელია ის შეურაცხყოფები, რასაც მათ აყენებენ ოპოზიციონერი ლიდერები, დაწყებული მიხეილ სააკაშვილიდან დამთავრებული გიგი უგულავათი. სხვებიც არ აკლებენ, მაგრამ განსაკუთრებით ეს ორი ადამიანი გადის ყველანაირ ზღვარზე მათი ოჯახის შეურაცხყოფის და მე მინდა დიდი მადლობა ვუთხრა თითოეულ პოლიციელს პროფესიონალიზმისა და მოთმინებისთვის“, – განაცხადა სოზარ სუბარმა.
კომენტარები