ეს არის იურიდიული საკითხი. სამართლებრივი შეფასება სჭირდება იმას თუ საიდან მოხვდა, როგორ მოხვდა (ჩანაწერი), არის თუ არა ფაბრიკაცია,არის თუ არა ავთენტური ეს ჩანაწერები, არის თუ არა კანონიერად მოპოვებული ეს ჩანაწერები, – ამის შესახებ ანალიტიკოსმა ზურაბ ქადაგიძემ გავრცელებულ აუდიოჩანაწერთან დაკავშირებით განაცხადა.
მისი აზრით, ჩანაწერის გავრცელება უშუალოდ მიხეილ სააკაშვილის ინტერესებშია, რადგან მას მხარეებს შორის შეთანხმება არ უნდა.
„აქ არის მთავარი პოლიტიკური საკითხი – როგორ იყენებს „ნაციონალური მოძრაობა“ დამონტაჟებულ, ფარულ კადრებს, რასაც მთელი 9 წლის განმავლობაში, მათი მმართველობის განმავლობაში ვხედავდით. დაიწყეს უკვე შეტევა. და რატომ? პასუხი ამაზე ცალსახაა. იმიტომ რომ რეალურად ხდებოდა პოლიტიკური ე.წ. დუღილის ჩაქრობა, რაც ბატონი მიშელის ვიზიტმა გამოიწვია. არანაირად არ ესაჭიროება „ნაციონალურ მოძრაობას“ და განსაკუთრებით მიხეილ სააკაშვილს აქ რაიმე შეთანხმება და კონსტრუქციული პოლიტიკური წესრიგის შექმნა ქვეყანაში”, – განაცხადა ზურაბ ქადაგიძემ.