ციციშვილის სახელობის ბავშვთა ახალი კლინიკის სამედიცინო დირექტორის, მაია ჩხაიძის განცხადებით, კლინიკაში გუშინ 8 წლის ბავშვი შეიყვანეს, რომელსაც ფილტვების 18-ქულიანი დაზიანება აღენიშნება.
მისივე თქმით, კორონავირუსის გავრცელების მაჩვენებლები იკლებს.
“წინა 10 დღის განმავლობაში მომართვიანობა შემცირებული იყო. ამჟამად არის 119 პაციენტი.
გუშინ გადმოიყვანეს ერთ-ერთი კლინიკიდან კიდევ მძიმე ბავშვი, რომელსაც დაუნის სინდრომი აქვს და ფილტვების 18 ქულიანი დაზიანება. 8 წლის არის ეს ბავშვი.
რეანიმაციაში ამ წუთში 4 ადგილია, დანარჩენი დაკავებულია. 21 პაციენტი წევს,” – განაცხადა მაია ჩხაიძემ.
კომენტარები