ალექსანდრე რაქვიაშვილმა უკრაინასა და მოლდოვისთვის კანდიდატის სტატუსის მინიჭების შესახებ ვიოლა ფონ კრამონის განცხადება შეაფასა. „გირჩის“ წევრის თმით, სტატუსის მიღება ქვეყნის ავტომატურად გამდიდრებას არ ნიშნავს.
„თურქეთს 30 წელია აქვს კანდიდატის სტატუსი და ამის მიუხედავად, ვერ გახდა ევროკავშირის წევრი, ამიტომ სტატუსის მიღება ავტომატურად არ ნიშნავს არც გამდიდრებას, არც გაბრწყინებას. ეს უფრო იყო ჩვენი, უკრაინის, მოლდოვის და შექმნილი სიტუაციის პოლიტიკური პოზიციის შეფასება. საბოლოო ჯამში, როგორ განვითარდება ქვეყანა ჩვენზეა დამოკიდებული და არა სტატუსებზე და ზოგად გადაწყვეტილებებზე“, – მიიჩნევს რაქვიაშვილი.
ევროპარლამენტარმა ვიოლა ფონ კრამონმა განაცხადა, რომ მოლდოვასა და უკრაინისთვის კანდიდატის სტატუსის მინიჭება არაფრად ღირს, რადგან შესაძლოა ეს ქვეყნები სამუდამოდ იყვნენ მოსაცდელ ოთახში.