“ჩვენ ომის ახალი ეტაპის წინაშე ვდგავართ – ოკუპანტი ემზადება შეტევითი ოპერაციების გაფართოების მცდელობისთვის”

უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინა რუსეთთან ომის ახალი ეტაპის წინაშე დგას და ოკუპანტები ახლა ემზადებიან შეტევის გაფართოებისთვის.

„დღეს ომის მერვაასე დღეა. ეს არის ძალიან რთული გზა, რომელიც ჩვენმა სახელმწიფომ გაიარა და გზა, რომელიც ჩვენ ჯერ კიდევ უნდა გავიაროთ, რათა ომი სამართლიანი პირობებით, უკრაინის პირობებით დავასრულოთ. ახლა ჩვენ ომის ახალი ეტაპის წინაშე ვდგავართ. ოკუპანტი ემზადება შეტევითი ოპერაციების გაფართოების მცდელობისთვის“, – აღნიშნა ვოლოდიმირ ზელენსკიმ.

უკრაინის პრეზიდენტმა ხაზგასმით აღნიშნა, რომ უკრაინელებმა, ჯარისკაცებმა, სახელმწიფომ და პარტნიორებმა ყველაფერი უნდა გააკეთონ იმისათვის, რომ ჩაშალონ რუსეთის შეტევითი გეგმა და დაამტკიცონ, რომ მტერი თავის მიზნებს ვერ მიაღწევს.