კიევის ოლქში რუსეთის ინტერვენციის შედეგად დანგრეულია ხუთი ათასამდე საცხოვრებელი სახლი, კერძოდ მთლიანად დანგრეულია 161 მრავალსართულიანი შენობა და 4 835 კერძო სახლი. ამის შესახებ გამოცემა „ინტერფაქსუკრაინისთვის“ მიცემულ ინტერვიუში კიევის საოლქო სამხედრო ადმინისტრაციის ხელმძღვანელმა ალექსეი კულებამ განაცხადა.
მისი ცნობით, ნაწილობრივ დანგრეულია 13 292 კერძო სახლი და 975 მრავალსართულიანი კორპუსი. საცხოვრებელის გარეშე დარჩენილია 11 319 ოჯახი.
ალექსეი კულებას ინფორმაციით, საომარი მოქმედებების შედეგად უსახლკაროდ დარჩენილი მოქალაქეებისთვის ახალი სახლების მშენებლობის დაწყება ივლისის შუა რიცხვებიდან იგეგმება.
კომენტარები