ერთადერთი შემთხვევა, სადაც ბანკი იჩენს ისეთ პრინციპულობას რომელიც ბანკისადმი ნდობის უნივერსალური სტანდარტის საწინააღმდეგოა, ეს არის ბატონი ბიძინა ივანიშვილი, – ამის შესახებ ბიძინა ივანიშვილის ადვოკატმა, ვიქტორ ყიფიანმა „ქრონიკაში“ Credit Suisse-ზე საუბრისას განაცხადა.
„ჩვენ ვაკვირდებით ბანკის პრაქტიკას სხვა კლიენტებთან და სხვა უსწორობებთან დაკავშირებით. სხვა ასეთ უსწორო ფაქტებზე ბანკი ყოველთვის დამყოლი და მოქნილია, რომ მორიგებით დაასრულოს თემა და შემდეგი ნაბიჯები გადადგას.
ერთადერთი შემთხვევა, სადაც ბანკი იჩენს ისეთ პრინციპულობას რომელიც ბანკისადმი ნდობის უნივერსალური სტანდარტის საწინააღმდეგოა, ეს არის ბატონო ბიძინა ივანიშვილი.
სწორედ აქ, ბანკი არ თაკილობს არც რესურსს, არც დროს, არც თავის მოთმინებას და არც იმ აკრძალულ ილეთებს, როდესაც ყველაფერი შეაქვს ყულაბაში, რომ ამ დავას მისცეს რაც შეიძლება ხანგრძლივი ხასიათი. აქ თანხის რაოდენობა პრინციპული არ არის, აქ პრინციპულია, რომ კლიენტს უჩვენოს მე ვარ დიდი, რესურსებით აღჭურვილი, მამოძრავებს გარკვეული მოტივაცია“, – აღნიშნა ვიქტორ ყიფიანმა.