“ფაქტია, ამ ადამიანებთან ჩვენი საზოგადოება არასოდეს დაჯდება და არ მოუსმენს, რადგან არათანმიმდევრული არიან და პოლარიზაციას უწყობენ ხელს”, – ასე გამოეხმაურა მმართველი გუნდის წევრი, რატი იონათამიშვილი საქართველოს ყოფილი პრეზიდენტის, გიორგი მარგველაშვილის განცხადებას, რომლის მიხედვითაც, პოლიტიკოსებთან, რომლებიც მიტინგებს არბევდნენ, სასაუბროდ დაჯდომას არ აპირებს და ამის მაგალითად ვანო მერაბიშვილი და გიორგი გახარია დაასახელა.
იონათამიშვილის თქმით, რადიკალურ ოპოზიციაში ადამიანები იმდენად ჰგვანან ერთმანეთს, რომ ცალ-ცალკე პერსონალებზე საუბარი მიზანშეწონილი არ არის.
“ისინი რადიკალიზაციასა და სიძულვილის ტირაჟირებას ახდენენ. ჩვენი საზოგადოება ასეთ ადამიანებთან დიალოგის რეჟიმში არასოდეს იქნება. ვინ ვისთან არ ილაპარაკებს და რა ამბიციები აქვთ, ეს მეათეხარისხოვანია. რადიკალურ ოპოზიციაში ადამიანები იმდენად ჰგვანან ერთმანეთს, რომ ცალ-ცალკე პერსონალებზე საუბარი მიზანშეწონილი არ არის, რადგან ფაქტობრივად ეს ერთი სხეულია და ერთი სულისკვეთებაა, რაც მხოლოდ სიძულვილის ტირაჟირებაა“, – განაცხადა რატი იონათამიშვილმა.
