ერთ-ერთი თვითმხილველის ინფორმაციით, წეროვანში ავარია ტრაილერის მძღოლმა გამოიწვია. როგორც ის აცხადებს, ტრაილერის მძღოლს, სავარაუდოდ, ჩაეძინა.
მისივე თქმით, ტრაილერი მიკროავტობუსს უკნიდან დაეჯახა.
„მიკროავტობუსის მძღოლი ჩემი სიძეა. თბილისიდან დასავლეთისკენ მიდიოდა, როცა ტრაილერი უკნიდან დაეჯახა. მიზეზი, სავარაუდოდ, ისაა, რომ ტრაილერის მძღოლს დაეძინა“, – განუცხადა ჟურნალისტებს მამუკა ხუციანელმა.
წეროვანში მიკროავტობუსს ტრაილერი დაეჯახა. ჯამში 19 პირი დაშავდა, საიდანაც 1 ცოტა ხნის წინ გარდაიცვალა. დაშავებულები მცხეთის სამედიცინო დაწესებულებებში გადაიყვანეს.
კომენტარები