ასპინძაში ავტოსაგზაო შემთხვევის შედეგად ოთხმა ადამიანმა სხეულის მსუბუქი დაზიანება მიიღო. დაშავებულთა შორის ერთი მცირეწლოვანი ბავშვია.
თვითმხილველების ინფორმაციით, დაბა ასპინძაში, ცენტრალურ გზაზე „ჰონდა ფიტის“ მარკის ავტომობილის მძღოლმა საჭე ვერ დაიმორჩილა და გარე განათების ბოძს შეეჯახა.
ოთხივე დაშავებული სასწრაფო სამედიცინო დახმარების ჯგუფმა ასპინძის საავადმყოფოში გადაიყვანა. როგორც ექიმები აცხადებენ, დაშავებულებს შესაბამისი გამოკვლევები უკვე ჩაუტარდათ და მათ სხეულზე დაჟეჟილობები აღენიშნებათ.
კომენტარები