“რამდენი ყვითელი ავტობუსი გაივლის, ვიცი გულში რას ფიქრობთ, მეც იგივეს ვფიქრობ”

“რამდენი ყვითელი ავტობუსი გაივლის, ვიცი გულში რას ფიქრობთ, მეც იგივეს ვფიქრობ”, – ამის შესახებ საქართველოს პრემიერ-მინისტრმა, მამუკა ბახტაძემ თბილისის მერიის მიერ გამართულ სატრანსპორტო პოლიტიკის პრეზენტაციაზე სიტყვით გამოსვლისას განაცხადა.
როგორც მან აღნიშნა, ცენტრალური ხელისუფლების მხარდაჭერით, უახლოეს მომავალში სატრანსპორტო სისტემა ხარისხობრივად უკეთესი და ევროპული სტანდარტების იქნება.
“ამისი აღმოფხვრა 1-2 კვირაში შეუძლებელი იქნებოდა, ამიტომ გრაფიკი, რომელსაც დღეს თბილისის მერია წარმოგვიდგენს, ამბიციურია. განვითარებული ქვეყნების დედაქალაქებსაც კი უჭირთ ისე მოკლე დროში ჩაანაცვლონ სატრანსპორტო საშუალებები, როგორც ამას თბილისის მერია გააკეთებს ცენტრალური ხელისუფლების მხარდაჭერით. კიდევ ერთხელ, დიდი მადლობა მინდა გადავუხადო მერიას, რომ აქტიურად იმუშავეს ამ საკითხზე, დამერწმუნეთ, უახლოეს მომავალში სატრანსპორტო სისტემა იქნება ხარისხობრივად უკეთესი და მართლაც რომ, ევროპული”, – განაცხადა მამუკა ბახტაძემ.