ბათუმში ავტოსაგზაო შემთხვევის შედეგად ცოლ-ქმარი დაშავდა. ისინი სასწრაფო სამედიცინო დახმარების ბრიგადამ ბათუმის საერთაშორისო საავადმყოფოსა და რეფერალურ საავადმყოფოში გადაიყვანა. ექიმების ინფორმაციით, მათ სიცოცხლეს საფრთხე არ ემუქრება. დაშავებულებს ტრავმა თავისა და ფეხის არეში აქვთ მიღებული.
თვითმხილველების ინფორმაციით, ბათუმში აეროპორტის გზატკეცილზე მსუბუქი ავტომობილი ქვეითად მოსიარულე ცოლ-ქმარს დაეჯახა.
ფაქტთან დაკავშირებით საქართველოს შინაგან საქმეთა სამინისტრომ გამოძიება „სისხლის სამართლის კოდექსის” 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს, რამაც ადამიანის ჯანმრთელობის დაზიანება გამოიწვია.
კომენტარები