„ნაციონალური მოძრაობისთვის“ ორმაგი სტანდარტი ჩვეულებრივი მოვლენაა, – ამის შესახებ საქართველოს პარლამენტის საპროცედურო საკითხთა კომიტეტის თავმჯდომარემ, გიორგი კახიანმა განაცხადა.
როგორც გიორგი კახიანმა აღნიშნა, საპრეზიდენტო არჩევნების მეორე ტურის წინ „ნაციონალური მოძრაობა“ მიხვდა, რომ მოძალადე რეჟიმს საზოგადოება მხარს არ დაუჭერს.
„დღეს სულ სხვა რეალობაა, „ნაციონალური მოძრაობის“ წევრები ცდილობენ, გარკვეულწილად იმიჯის შეცვლას, მაგრამ ეს არის უსუსური მცდელობა, რადგან ყოველ ნაბიჯზე ისინი ამჟღავნებენ რეალურ სახეს. მისი მაგალითი იყო ინტერვიუც, რომელიც გრიგოლ ვაშაძეს ჰქონდა ცოტა ხნის წინ “დოიჩე ველესთან”. ფაქტობრივად მან დაადასტურა, რომ ერთადერთი მისი ამოცანაა მოძალადეების შეწყალება, ქვეყანაში დესტაბილიზაციის, არეულობის მოწყობა. დარწმუნებული ვარ, საზოგადოება გასცემს შესაბამის პასუხს”, – განაცხადა კახიანმა.