“უმორჩილესად გთხოვთ, თქვენი გაზეთის მეშვეობით გააგებინოთ ხალხს, რომ ტრანზიტითაც კი არ წავიდნენ თურქეთში”, – ამბობს გაზეთ “პრაიმტაიმთან” საუბრისას ექსპერტი ტერორიზმის საკითხებში ბადრი ნაჭყებია. გამოცემასთან საუბრისას ის თურქეთის გარდა იმ ქვეყნებსაც ასახელებს, სადაც მოგზაურობა საშიშია.
“თურქეთის მიმართულებით მაქსიმალურად თავშეკავებულები უნდა ვიყოთ, სანამ სიტუაცია დაწყნარდება. მადლობა ღმერთს, ძალიან ბევრი სხვა საჰაერო ჰაბია… შეიძლება ოდნავ ძვირი, მაგრამ ჩვენი მოქალაქეებისთვის მთავარი უსაფრთხოებაა. ამასთანავე, კატეგორიულად უნდა აღიკვეთოს ეგვიპტეში ტურიზმის პროპაგანდა. ეგვიპტე არის ერთ-ერთი საშიში ზონა, სადაც ყოველ წუთს შეიძლება კატაკლიზმები მოხდეს. არადა, ტელევიზიებითა და რადიოთი მუდმივად მიდის ამ იაფი მიმართულების რეკლამა. ეს არავითარ შემთხვევაში არ შეიძლება… ჩამოგითვლით უსაფრთხო მიმართულებებს. ეს არის სკანდინავიის ქვეყნები, აღმოსავლეთ ევროპის ქვეყნები, ბალტიისპირეთი, დასავლეთი უკრაინა… განსაკუთრებული საფრთხის შემცველი მიმართულებებია: თურქეთი, ეგვიპტე, ტუნისი, მაროკო, ტაილანდი, მალაიზია, ინდოეთი, ბანგლადეში, მალდივები”, – ამბობს “პრაიმტაიმთან” საუბრისას ბადრი ნაჭყებია.
ექსპერტი მოქალაქეებს ურჩევს, შეძლებიოსდაგვარად თავი შეიკავონ დასავლეთ ევროპის ქვეყნებში გადაადგილებისგანაც.