გრიგოლ ვაშაძე იმ ადამიანების შეწყალებას აპირებს, ვინც ჩვენ გვაწამა ციხეში, ვინც ჩვენ მოგვაყენა შეურაცხყოფა, ვინც გვაიძულა ის სისულელე გვეღიარებინა, – ამის შესახებ ფოტორეპორტიორმა გიორგი აბდალაძემ მედიაჰოლდინგ „კვირას“ პრესკლუბში გამართულ პრესკონფერენციაზე განაცხადა.
გიორგი აბდალაძის თქმით, რომ არა ჟურნალისტების პროტესტი და საერთაშორისო მედიის მხარდაჭერა, დაპატიმრებულ ფოტორეპორტიორებს ციხეში დახოცავდნენ.
„ციხეშიც და სასამართლოს მსვლელობისასაც დამტკიცდა, რომ 26 მაისის ფოტოების გამო დაგვიჭირეს და დაგვსაჯეს. იმიტომ, რომ 26 მაისის ფოტოები მსოფლიოს წამყვან გაზეთებში გამოქვეყნდა და საკმაოდ დიდი რეზონანსი გამოიწვია.
მათი მეთოდი ისევ ისეთია, ყოველთვის იქნებიან წაგებული, იმიტომ რომ სანამ ისინი სიმართლეს არ აღიარებენ და არ იტყვიან იმას, რომ დანაშაული აქვთ ჩადენილი ჩვენთან მიმართებაში და უამრავ სხვა ადამიანებთან მიმართებაში ყოველ არჩევნებზე მიიღებენ შედეგს.
ის რუსი „პიარშიკები” რომ ჰყავთ ის აბარებს ახლა გიგის, ვაშაძეს და ვიღაცებს, შკლიაროვი ხელმძღვანელობს დღეს მთელ მათ გუნდს, ჯერ სირცხვილია, რომ რუსი „პიარშიკების” კარნახით მოქმედებენ.
28 რიცხვის შემდეგ სიტუაცია შეიცვლება, იმიტომ რომ ყველა ადამიანი ვინც განაწყენებულია „ოცნებაზე“, შეიძლება არ მოსწონდეს სალომე ზურაბიშვილის რაღაცა განცხადებები, მაგრამ ყველა მიდის არჩევნებზე და ერთ რამეს აძლევს ხმას – „არა „ნაციონალ მოძრაობას“ .
ვაშაძე აპირებს შეწყალებას იმ ადამიანების, ვინც ჩვენ გვაწამა ციხეში, ვინც ჩვენ მოგვაყენა შეურაცხყოფა, ვინც გვაიძულა ის სისულელე გვეღიარებინა. საერთაშორისო მედიის მხარდაჭერა, მედიის, ჟურნალისტების პროტესტი რომ არა დაგვხოცავდნენ იქ, როგორც არაფერი. „ქილერას“, თვითონ ციხის უფროსს პირადად ჩემთვის აქვს ნათქვამი, ციხიდან ცოცხალი ვერცერთი ვერ გავიდოდით და იქვე მითხრა, 26 მაისს თქვენ რომ არ წასულიყავით გადაღებაზე, არცერთი აქ არ იქნებოდითო.
განაჩენი არის გამამართლებელი, ჩვენ ამ დღეს ველოდით. სამართლიანი გადაწყვეტილებაც არის, იმიტომ რომ სხვანაირად არ შეიძლებოდა მომხდარიყო, მაგრამ გამოძიება კიდევ მიმდინარეობს. ჩვენი მთავარი მოთხოვნა იყო დასჯილიყვნენ დამკვეთები, თორემ დოქსოპულოები წინა ხელისუფლებას ძალიან ბევრი ჰყავდა, ვინც შეასრულებდა მსგავს უკანონო ბრძანებებს, მაგრამ ხელისუფლებაში ისინი ვერასდროს ვეღარ დაბრუნდებიან”, – განაცხადა აბდალაძემ.
„კვირა“